အတွင်းရေးမှူးချုပ်ဘန်ကီမွန်းမှ လုံခြုံရေးကောင်စီသို့ မြန်မာနိုင်ငံခရီးစဉ်အပေါ် တင်ပြချက်

(ဇူလိုင်လ ၁၃ ရက်နေ့က လုံခြုံရေးကောင်စီမှာ အတွင်းရေးမှူးချုပ်ဘန်ကီမွန်းပြောတဲ့မိန့်ခွန်းကို ဆီလျော်အောင် ဘာသာပြန် တင်ပြလိုက်ပါတယ်။)

မြန်မာနိုင်ငံကို သွားရောက်ဖို့နဲ့ အတွင်းရေးမှူးချုပ်ရုံးရဲ့ အခန်းကဏ္ဍ အောက်ကနေ ကြိုးပမ်း လုပ်ဆောင်ဖို့ ဆိုတဲ့ ကျွန်တော့်ရဲ့ ဆုံးဖြတ်ချက်များကို ထောက်ခံ အားပေးခဲ့တဲ့ လုံခြုံရေး ကောင်စီဝင် နိုင်ငံများ၊ မြန်မာနိုင်ငံ ဆိုင်ရာ မိတ်ဆွေများ အဖွဲ့ဝင်နိုင်ငံများ အားလုံးကို ကျေးဇူးတင်ပါတယ်။ မနှစ်တုံးက နာဂစ် ကယ်ဆယ်ရေး အတွက် လိုအပ်တဲ့ လူမှုဂရုဏာ အကူအညီများ ပေးနိုင်ဖို့အတွက် မြန်မာနိုင်ငံကို သွားခဲ့ပါတယ်။ ဒီနှစ်မှာတော့ မြန်မာ ထိပ်တန်း ခေါင်းဆောင်တွေကို တိုက်ရိုက် တွေ့ဆုံပြီး မြန်မာနိုင်ငံရဲ့ အသွင်ကူးပြောင်းရေး ကာလမှ ပစ်ပယ်ထားလို့ မရဘူးလို့ ကျွန်တော် ယုံကြည်တဲ့ အရေးကြီးပြီး ကာလ ရှည်ကြာစွာထဲက ရှိနေတဲ့ ပြဿနာတွေ အကြောင်းကို ပြောကြားဖို့ သွားခဲ့တာ ဖြစ်ပါတယ်။ အခုအချိန်မှာ ဒေါ်အောင်ဆန်း စုကြည်ရဲ့ တရားရုံးအမှုနဲ့ ပတ်သက်ပြီး စိတ်ဝင်စားမှုတွေ အများကြီး ရှိနေသလို ၂၀၁၀ ပြည့်နှစ် ရွေးကောက်ပွဲ အကြို ကာလလည်း ဖြစ်ပါတယ်။ ဒါ့ကြောင့်မို့လို့ ကျွန်တော် အနေနဲ့ ဒီစိုးရိမ် ပူပန်မှုတွေကို ပြောဖို့လိုသလို အမျိုးသား ပြန်လည် စည်းလုံး ညီညွတ်ရေး၊ ဒီမိုကရေစီ၊ လူ့အခွင့်အရေးနဲ့ ရေရှည် ဖွံ့ဖြိုး တိုးတက်မှုများနဲ့ ပတ်သက်ပြီး ကုလသမဂ္ဂရဲ့ အကူအညီ များကိုလည်း ကမ်းလှမ်းခဲ့ပါတယ်။

ပထမဆုံးအနေနဲ့ ဗိုလ်ချုပ်မှူးကြီး သန်းရွှေက ကျွန်တော်ကို ဒေါ်အောင်ဆန်းစုကြည်နဲ့ တွေ့ခွင့်ပေးဖို့ ငြင်းပယ် ခဲ့တာဟာ စိတ်ပျက်ဖို့ ကောင်းသလို မြန်မာနိုင်ငံအတွက် အဓိက အခွင့်အလမ်း တစ်ခု ဆုံးရှုံးခဲ့တာ ဖြစ်တယ် ဆိုတာကို ပြောလိုပါတယ်။ ဒီလို ဖြစ်သွားတာ တစ်ခုထဲနဲ့ ကျွန်တော်တို့ရဲ့ ကြိုးပမ်း ဆောင်ရွက်ချက်တွေကို အကဲဖြတ်လို့ မရပေမယ့် ဒီလို တွေ့ခွင့်ပြုတာဟာ အပြုသဘောနဲ့ ပြန်လည် သင့်မြတ်လိုတဲ့ သဘောထားတွေကို ပြည်တွင်းနဲ့ ပြည်ပကို အချက်ပြရာ ရောက်မှာ ဖြစ်ပါတယ်။ ဒါပေမယ့် ကုလသမဂ္ဂက မြန်မာနိုင်ငံမှာ ပါဝင် ဆောင်ရွက်နေမှုများဟာ များပြားပြီး ရှုပ်ထွေး နက်နဲပါတယ်။ အဲဒီ ကြိုးပမ်းမှုတွေဟာ မြန်မာနိုင်ငံရဲ့ အနာဂတ် အတွက် အရေးကြီးတဲ့ ကိစ္စတွေ အားလုံးကို လွှမ်းခြုံ ပတ်သက်နေ ပါတယ်။ ဒီခရီးစဉ်မှာ ဒီကိစ္စတွေကို ကျွန်တော် ကိုင်တွယ် ဆောင်ရွက်နိုင်ခဲ့ပါတယ်။

ဗိုလ်ချုပ်မှူးကြီးသန်းရွှေနဲ့ နှစ်ကြိမ်၊ ၀န်ကြီးချုပ် ဗိုလ်ချုပ်ကြီး သိန်းစိန်နဲ့ တစ်ကြိမ် တွေ့ဆုံချိန်မှာ လူသားချင်း စာနာ ထောက်ထားမှု ဆိုင်ရာကဏ္ဍနဲ့ အတွင်းရေးမှူးချုပ်ရုံးက အဆိုပြုထားတဲ့ အချက် ငါးချက်အပေါ်မှာ လေးနက် အဓိပ္ပါယ်ရှိတဲ့ လုပ်ဆောင်ချက်များ ပြုလုပ်ဖို့ ပြင်းပြင်း ထန်ထန် ဆွေးနွေး ပြောကြားခဲ့ပါတယ်။ နောက်ပြီး ထိထိ ရောက်ရောက် ကိုင်တွယ် ဖြေရှင်းခြင်း မပြုဘူးဆိုရင် မြန်မာနိုင်ငံရဲ့ နိုင်ငံရေး ဖြစ်စဉ်အပေါ် အယုံအကြည် ကင်းမဲ့နိုင်တဲ့ အဓိက အချက် သုံးချက်ကိုလည်း အလေးထားပြီး ဆွေးနွေး ပြောကြားခဲ့ပါတယ်။ အဲဒါတွေ ကတော့ (၁) ဒေါ်အောင်ဆန်း စုကြည် အပါအ၀င် နိုင်ငံရေး အကျဉ်းသမားများ အားလုံး လွှတ်ပေးရေး။ (၂) အစိုးရနဲ့ အတိုက်အခံများ အကြားမှာ လေးနက်တဲ့ တွေ့ဆုံ ဆွေးနွေးမှုများ ပြုလုပ်ရေး။ (၃) ယုံကြည် စိတ်ချရပြီး တရားဝင်တဲ့ ရွေးကောက်ပွဲ ဖြစ်ရေး အတွက် လိုအပ်တဲ့ အခြေအနေတွေကို ဖော်ဆောင် ပေးရေးတို့ပဲ ဖြစ်ပါတယ်။ ယခင် အတွေ့အကြုံများ အရ ကုလသမဂ္ဂ အနေနဲ့ ရွေးကောက်ပွဲတွေဟာ ရွေးကောက်ပွဲ လုပ်ငန်းစဉ်တွေရဲ့ အရည်အသွေးတွေ အပေါ် မူတည်ပြီး လူတွေကို ပိုမို စည်းလုံး သွားစေ နိုင်သလို ပိုမိုကွဲပြား ခြားနားမှုတွေ ဖြစ်ပေါ်စေနိုင်တယ် ဆိုတာ နားလည်ထားပါတယ်။

အဲဒီစိုးရိမ်ပူပန်မှုသုံးချက်ကို ကုလသမဂ္ဂ အကူအညီနဲ့ ဖြေရှင်းဖို့ အတွက် နိုင်ငံရေး ဖြစ်စဉ်ဟာ အားလုံး ပါဝင်နိုင်ဖို့ လိုပါတယ်။ မြန်မာနိုင်ငံသား အားလုံးရဲ့ အကျိုးကို ဖော်ဆောင်နိုင်ဖို့ လိုပါတယ်။ ဒါမှသာ နိုင်ငံတကာရဲ့ ကျယ်ကျယ် ပြန့်ပြန့် အသိအမှတ်ပြု ခံရမှာ ဖြစ်ပါတယ်။ မြန်မာနိုင်ငံက တရားဝင် မှတ်ပုံတင်ထားတဲ့ နိုင်ငံရေး ပါတီတွေ၊ အပစ်အခတ် ရပ်စဲရေး အဖွဲ့တွေနဲ့ တွေ့ရတဲ့အတွက် အဲဒီ အကြောင်းအရာတွေနဲ့ ပတ်သက်ပြီး သူတို့ရဲ့ အမြင်နဲ့ စိုးရိမ်မှုတွေကို နားထောင်ခွင့်ရ ခဲ့ပါတယ်။ ဒါတွေကို အာဏာပိုင်တွေကိုလည်း ပြောပြခဲ့ပါတယ်။ ပြီးတော့ အဲဒီ အုပ်စု နှစ်ခုလုံးကို နိုင်ငံရေး ဖြစ်စဉ်တွေမှာ အပြုသဘောနဲ့ ဆက်လက် ပါဝင်ဖို့ အတွက်လည်း အားပေးခဲ့ပါတယ်။ မြန်မာနုိင်ငံမှာ အောင်မြင်တဲ့ အသွင် ကူးပြောင်းရေး ဖြစ်ဖို့ဆိုရင် နိုင်ငံရေးအရ ရှေ့မတိုး နောက်မဆုတ် ဖြစ်နေတာတွေကို ဖြေရှင်းဖို့နဲ့ လက်နက်ကိုင် ပဋိပက္ခတွေကို ဖြေရှင်း နိုင်ဖို့ လိုပါတယ်။ အခုအချိန်ထိ ရရှိထားပြီး ဖြစ်တဲ့ အကျိုးအမြတ်တွေ ပြန်ပြီး ဆုံးရှုံးမသွားဖို့ဟာ အားလုံးရဲ့ အကျိုးဖြစ် ပါတယ်။ မြန်မာ့နိုင်ငံရေးမှာ ပါဝင် ပတ်သက်နေသူတွေ အားလုံးရဲ့ စိုးရိမ်ပူပန်မှုတွေကို ဖြေရှင်းပေးဖို့ ဆိုတာဟာ အစိုးရရဲ့ အဓိက တာဝန် ဖြစ်ပါတယ်။ ဒါပေမယ့် ပါဝင် ပတ်သက်သူ အားလုံးကလည်း မိမိတို့ ကျရာ အခန်းကနေ နိုင်ငံ အကျိုးအတွက် လုပ်ဆောင်ပေးဖို့ တာဝန်လည်း ရှိပါတယ်။

လူမှုဂရုဏာ အကူအညီကဏ္ဍနဲ့ပတ်သက်ပြီး မကြုံစဖူး ထူးကဲတဲ့ မြန်မာအစိုးရ၊ ကုလသမဂ္ဂနဲ့ အာဆီယံအကြား ပူးပေါင်း ဆောင်ရွက်မှုကြောင့် နာဂစ်ဒဏ်ခံ ဒေသတွေမှာ ပြန်လည် ထူထောင်ရေးနဲ့ ပြန်လည် တည်ဆောက်ရေး လုပ်ငန်းတွေ တိုးတက် ဖြစ်ပေါ်နေတာကို လေ့လာခွင့် ရခဲ့ပါတယ်။ ကျွန်တော်ရဲ့ တွေ့ဆုံ ဆွေးနွေးမှုတိုင်းမှာ အခု ရရှိထားတဲ့ အောင်မြင်မှုတွေကို ခိုင်မာအောင် လုပ်ဖို့၊ နောက်ပြီး နိုင်ငံတ၀န်းလုံးက လိုနေတဲ့ နေရာတွေအထိ ချဲ့ထွင် အကူအညီပေး နိုင်ဖို့၊ မြစ်ဝကျွန်းပေါ် ဒေသကို အကူအညီတွေ မြန်မြန်နဲ့ တိုးချဲ့ပြီး ပေးနိုင်ဖို့ အတွက် ပြောခဲ့ပါတယ်။ နိုင်ငံတကာ အသိုင်း အ၀န်းအနေနဲ့ လူမှုဂရုဏာအကူအညီတွေကို နိုင်ငံရေးအကြောင်းပြချက်နဲ့ ဓားစာခံလုပ်ထားဖို့မသင့်သလို၊ အစိုးရ အနေ နဲ့ကလည်း လူမှုဂရုဏာအကူအညီတွေကို တစ်ချို့လူတွေကို ပေးပြီး တစ်ချို့ကို ငြင်းပယ်ထားဖို့ မသင့်ပါဘူး။

ဒါတွေအပြင် ကျွန်တော့်ရဲ့ခရီးစဉ်ဟာ မြန်မာနိုင်ငံရဲ့ ဖွံ့ဖြိုး တိုးတက်မှုနဲ့ပတ်သက်တဲ့ စိန်ခေါ်မှုတွေကို ဖြေရှင်း ဖို့လည်း ဖြစ်ပါတယ်။ ဒီနေရာမှာလည်း ကျွန်တော်တို့ရဲ့ အတွေ့အကြုံများအရ လူမှုစီးပွား အခြေအနေတွေဟာ ငြိမ်းချမ်းရေးနဲ့ လုံခြုံရေး အပေါ် အကျိုးသက်ရောက်မှု ရှိတယ် ဆိုတာ တွေ့ခဲ့ပြီး ဖြစ်ပါတယ်။ ဒါ့ကြောင့်လည်း မြန်မာ ထိပ်တန်း ခေါင်းဆောင် တွေကို ကုလသမဂ္ဂနဲ့ ပိုမိုပူးပေါင်း ဆောင်ရွက်ခြင်းအားဖြင့် အရေးတကြီး ဖြေရှင်းဖို့ လိုနေတဲ့ ဖွံ့ဖြိုး တိုးတက်ရေး လိုအပ်ချက် တွေကို ဖြေရှင်းဖို့၊ အဲဒီလို ဖြေရှင်းရာမှာလည်း လူ့အဖွဲ့အစည်း အတွင်းက အလွှာ အသီးသီးက ကျယ်ကျယ် ပြန့်ပြန့် ပါဝင်ခွင့်ရတဲ့ လုပ်ငန်းစဉ်နဲ့ ဆောင်ရွက်ဖို့ အဆိုပြုခဲ့ပါတယ်။ ပြည်သူတွေကို သူတို့ နိုင်ငံရဲ့ ဖွံဖြိုး တိုးတက်မှုမှာ ကိုယ်တိုင်ပါဝင် ဆောင်ရွက်ခွင့် ရအောင် လုပ်ဆောင် ပေးခြင်းဟာ တည်ငြိမ်မှု၊ ဒီမိုကရေစီ ထွန်းကားမှုနဲ့ ဖွံ့ဖြိုး တိုးတက်မှု အတွက် အရေးကြီး ပါတယ်။ ဒီလို လုပ်ခြင်းအားဖြင့် မြန်မာနိုင်ငံဟာ ဒေသ စီးပွားရေးနဲ့ ကမ္ဘာ့ စီးပွားရေးကနေ အကျိုးအမြတ်တွေကို ခံစားရမှာ ဖြစ်သလို အဲဒီ စီးပွားရေးတွေ အတွက်လည်း ပါဝင် ဖြည့်ဆည်း ပေးနိုင်မှာ ဖြစ်ပါတယ်။

ကျွန်တော့်ရဲ့ ခရီးစဉ်ဟာ ကုလသမဂ္ဂ အနေနဲ့ မြန်မာအစိုးရ၊ မြန်မာ ပြည်သူတွေနဲ့ ပူးပေါင်းပြီး မြန်မာနိုင်ငံမှာ ရေရှည် တည်တံ့တဲ့ ငြိမ်းချမ်းရေး၊ ဒီမိုကရေစီနဲ့ ဖွံ့ဖြိုး တိုးတက်မှုကို ရဖို့အတွက် ဖြေရှင်းရမယ့် အရေးကြီး ပြဿနာတွေကို ဖြေရှင်းဖို့ အသင့်ရှိတယ် ဆိုတာ အခိုင်အမာ သက်သေ ပြလိုက်တာ ဖြစ်ပါတယ်။ ကုလသမဂ္ဂနဲ့ အနှစ်သာရ ရှိရှိ ပူးပေါင်း ဆောင်ရွက်ခြင်း အားဖြင့် မြန်မာနိုင်ငံ အတွက် အကျိုး အများကြီး ရှိမှာ ဖြစ်ပါတယ်။ ဒီသတင်း စကားကို အဆင့်အမြင့်ဆုံး မြန်မာ ခေါင်းဆောင်တွေကို ရှင်းရှင်း လင်းလင်းနဲ့ ဒဲ့ဒိုး ပြောခွင့်ရဖို့ ဆိုတာ နိုင်ငံတကာ အသိုင်းအ၀န်း အတွက် ရတောင့် ရခဲ အခွင့်အရေး ဖြစ်ပါတယ်။

ဒီနေရာမှာ ကျွန်တော် ဘာတွေရပြီး ပြန်လာတယ် ဆိုတာက အရေးမကြီးပါဘူး။ ကျွန်တော်က အာဏာပိုင်တွေကို ဘာတွေ ပြောခဲ့တယ် ဆိုတာက အရေးကြီးပါတယ်။ ကျွန်တော်က ကျွန်တော့် အနေနဲ့ရော၊ နိုင်ငံတကာ အသိုင်းအ၀န်း အနေနဲ့ပါ အစိုးရအနေနဲ့ ၂၀၁၀ ရွေးကောက်ပွဲကို အားလုံး ပါဝင်ခွင့်ရပြီး လွတ်လပ်ပြီး တရားမျှတတဲ့ ရွေးကောက်ပွဲ ဖြစ်အောင် လုပ်မယ်ဆိုတဲ့ ကတိကို ဖြည့်ဆည်းဖို့ လိုတယ် ဆိုတာ ရှင်းရှင်း လင်းလင်း ပြောခဲ့ပါတယ်။ သိပ်မဝေးတဲ့ အနာဂတ်မှာ ကျွန်တော် အဆိုပြုခဲ့တဲ့ အချက်တွေကို အကောင် အထည်ဖော်ဖို့ အတွက် လိုအပ်တာတွေ လုပ်ဖို့ လိုတယ် ဆိုတာကို ပြောခဲ့တယ်။ ဒါတွေနဲ့ ပတ်သက်ပြီး ဗိုလ်ချုပ်မှူးကြီး သန်းရွှေက ရွေးကောက်ပွဲဟာ လွတ်လပ်ပြီး တရားမျှတ ရစေမယ်လို့ ဆိုခဲ့ပါတယ်။ ဒါပေမယ့် ကျွန်တော်က အဲဒီတုံးက ဒီကတိတွေကို လက်တွေ့ အကောင်အထည် ဖော်ဖို့ဟာ မြန်မာ အာဏာပိုင် တွေရဲ့တာဝန် ဖြစ်တယ်၊ နိုင်ငံရေး ဖြစ်စဉ်တွေဟာ အားလုံး ပါဝင်ခွင့်ရှိပြီး ယုံကြည် စိတ်ချရမှု ရှိရမယ်၊ မြန်မာနိုင်ငံဟာ နိုင်ငံတကာနဲ့ ပူးပေါင်း ဆောင်ရွက်ဖို့ အသင့် ရှိတယ် ဆိုတာကို ခိုင်ခိုင် မာမာ သက်သေပြဖို့ လိုတယ် ဆိုတာ ပြောခဲ့တယ်။ အခုလည်း ဒါကိုပဲ ထပ်ပြီး ပြောလိုပါတယ်။ အခြားအဖွဲ့ဝင် နိုင်ငံတွေလိုပါဘဲ။ မြန်မာနိုင်ငံဟာ ကုလသမဂ္ဂနဲ့ ပူးပေါင်း ဆောင်ရွက်လေ၊ အချုပ်အခြာ အာဏာ ပိုမိုခိုင်မြဲလေ ဖြစ်မှာပါ။

မြန်မာနိုင်ငံက မထွက်ခွာခင်မှာ ကျွန်တော်ဟာ ကျွန်တော်ရဲ့ သတင်း စကားတွေကို အသိုင်းအ၀န်း အမျိုးမျိုးက လူတွေပါတဲ့ များပြားတဲ့ ပရိသတ်ကို ပြောကြားခွင့် ရခဲ့ပါတယ်။ ဒါဟာ ကြုံတောင့် ကြုံခဲ အခွင့်အရေး ဖြစ်ပါတယ်။ ကျွန်တော်က မြန်မာ့နိုင်ငံရေးမှာ ပါဝင်ပတ်သက်နေသူတွေ အားလုံးနဲ့ ဆိုင်တဲ့ မေးခွန်း ဖြစ်တဲ့ မြန်မာနိုင်ငံဟာ အမျိုးသား ပြန်လည် သင့်မြတ်ရေးရဖို့နဲ့ ဒီမိုကရေစီ အသွင် ကူးပြောင်းရေး၊ လူ့အခွင့်အရေးကို လေးစားမှုတို့ ရဖို့အတွက် ဘယ်လောက် ကြာကြာ စောင့်နေဦးမှာလည်း၊ ဘယ်လောက် အထိ ပေးဆပ် နေဦးမှာလည်း ဆိုတဲ့ မေးခွန်းကို အဲဒီ မိန့်ခွန်းမှာ ထည့်မေးခဲ့ ပါတယ်။ မြန်မာအစိုးရ၊ မြန်မာ ပြည်သူတွေနဲ့ နိုင်ငံတကာ အသိုင်းအ၀န်းကို ကျွန်တော် ပေးချင်တဲ့ သတင်း စကားမှာ အချက် နှစ်ခု ပါပါတယ်။ ပထမတစ်ချက် ကတော့ မြန်မာနိုင်ငံရဲ့ သမိုင်းဟာ ထူးခြားပြီး ရှုပ်ထွေး နက်နဲတာ မှန်ပေမယ့် အသွင် ကူးပြောင်းရေး ကာလမှာ မြန်မာနိုင်ငံ ရင်ဆိုင်နေရတဲ့ ပြဿနာတွေ ကတော့ အရင်တုံးက မဖြစ်ခဲ့ဘူးတာ မဟုတ်သလို ဖြေရှင်းလို့ မရတာတွေလည်း မဟုတ်ပါဘူး ဆိုတာ ဖြစ်ပါတယ်။ ဒုတိယ အချက် ကတော့ အခု မြန်မာနိုင်ငံ ရင်ဆိုင်နေရတဲ့ စိန်ခေါ်မှု တွေဖြစ်တဲ့ နိုင်ငံရေး၊ လူသားချင်း စာနာ ထောက်ထားမှု အခြေအနေ၊ ဖွံ့ဖြိုး တိုးတက်မှု ဆိုတာတွေဟာ မြန်မာတစ်နိုင်ငံတည်းနဲ့ ဖြေရှင်းလို့ မရဘူး၊ ဒါတွေကို အလေးထား မဖြေရှင်းဘူးဆိုရင် ငြိမ်းချမ်းရေး၊ ဒီမိုကရေစီနဲ့ ဖွံ့ဖြိုး တိုးတက်မှုတွေ ရဖို့အတွက် အခက်အခဲ ဖြစ်လိမ့်မယ် ဆိုတာပဲ ဖြစ်ပါတယ်။

အဲဒီမိန့်ခွန်းဟာ မြန်မာနဲ့ ဆက်လက် ထိတွေ့ ဆက်ဆံဖို့ ကျွန်တော့်ရဲ့ ဆုံးဖြတ်ချက်ကို ထပ်အတည်ပြုဖို့ အခွင့် အရေး ဖြစ်ပါတယ်။ မြန်မာနိုင်ငံဟာ အထီးကျန် နေတာ မဟုတ်ဘူး ဆိုတာလည်း ရှင်းရှင်း လင်းလင်း ပြောခဲ့ပါတယ်။ ဒါဟာ နိုင်ငံတကာ အသိုင်းအ၀န်း အတွက်လည်း အရေးကြီးတဲ့ အချက် ဖြစ်ပါတယ်။ ကုလသမဂ္ဂဟာ မြန်မာ တစ်နိုင်ငံ တည်းမှာသာ မဟုတ်ဘူး၊ တစ်ခြား နေရာတွေမှာလည်း ပြည်သူတွေရဲ့ အခွင့်အရေး၊ သူတို့ရဲ့ သက်သာ ချောင်ချိရေးနဲ့ သူတို့ရဲ့ ဂုဏ်သိက္ခာတို့ အတွက် အမြဲ ဆောင်ရွက်နေပါတယ်။ ဒါဟာ ကျွန်တော်တို့ရဲ့ တာဝန်ပါ။ ဒီတာဝန်ကို ကျွန်တော်တို့ ဘယ်တော့မှ လက်လျှော့မှာ မဟုတ်ဘူး။

ခင်ဗျားတို့ရဲ့ ကျွန်တော့်ရုံးရဲ့ ကြိုးပမ်းမှုတွေကို ထောက်ခံမှု၊ နောက်ပြီး အာဆီယံနိုင်ငံများနဲ့ အိမ်နီးချင်းနိုင်ငံ များက မြန်မာ အစိုးရအပေါ် တိုက်တွန်း အားပေးမှုတွေက အရင်ကထက်ပိုပြီး အရေးကြီးလာ၊ ပိုပြီး လိုအပ်လာ နေပါပြီ။ ပြီးခဲ့တဲ့ အပတ်တုံးက ဂျီ ၈ နိုင်ငံများက ကျွန်တော့်ရဲ့ ကြိုးပမ်းမှုတွေကို ထောက်ခံခဲ့တဲ့ အကြောင်းနဲ့ သူတို့အနေနဲ့ မြန်မာနိုင်ငံရဲ့ သိသာ ထင်ရှားတဲ့ နိုင်ငံရေးအရ တိုးတက်မှုတွေကို အပြုသဘောဆောင် တုန့်ပြန်ဖို့ ပြင်ဆင် ထားတယ် ဆိုတဲ့ အကြောင်း ပြောကြားခဲ့တဲ့ အပေါ် ကြိုဆိုပါတယ်။ မြန်မာနိုင်ငံ ဆိုင်ရာ မိတ်ဆွေများ အဖွဲ့က အတွင်းရေးမှူးချုပ်ရုံးရဲ့ လုပ်ဆောင်ချက်နဲ့ ကျွန်တော် ကိုယ်တိုင် ထိတွေ့ ဆောင်ရွက်မှု အပေါ် ဆက်လက် ထောက်ခံခဲ့တာကိုလည်း ကြိုဆိုပါတယ်။

အခု ကျွန်တော်အနေနဲ့ မြန်မာအာဏာပိုင်တွေ ဘာလုပ်ဖို့ လိုတယ် ဆိုတာကို အရှင်းဆုံး ပြောလိုက်ပါ့မယ်။ မြန်မာ နိုင်ငံ အကျိုးအတွက် အပြုသဘော ဆောင်တဲ့ တုန့်ပြန်မှုတွေ လုပ်ဖို့က သူတို့ တာဝန် ဖြစ်သွားပါပြီ။ ကျွန်တော့် မိန့်ခွန်း ထဲမှာ ပြောခဲ့သလိုပဲ မြန်မာအစိုးရက ကုလသမဂ္ဂ၊ နိုင်ငံတကာ အသိုင်းအ၀န်းနဲ့ ပူးပေါင်းဆောင်ရွက်ဖို့၊ ထိတွေ့ ဆက်ဆံဖို့ ပျက်ကွက်ခဲ့ရင် မြန်မာ ပြည်သူတွေပဲ ပေးဆပ် နေရတာ ဖြစ်ပါတယ်။ ဒါကြောင့် မြန်မာ အာဏာပိုင်တွေဟာ သူတို့ ပြည်သူတွေ အတွက် သာမက နိုင်ငံတကာ မိသားစုဝင် တစ်ဦးအနေနဲ့ ကျွန်တော့်ရဲ့ နိုင်ငံတကာ အသိုင်းအ၀န်း ကိုယ်စား အဆိုပြုခဲ့တဲ့ အချက်တွေကို တုန့်ပြန်ဖို့ တာဝန် ရှိပါတယ်။ လာမယ့်နေ့တွေ၊ ရက်သတ္တပတ်တွေမှာ မြန်မာ ခေါင်းဆောင်တွေ အနေနဲ့ အားလုံးရဲ့ အကျိုးကို ရှေ့ရှုပြီး လုပ်မလား၊ မြန်မာပြည်သူတွေနဲ့ နိုင်ငံတကာ အသိုင်းအ၀န်းကို မျက်ကွယ်ပြုမှာလား ဆိုတာ ကို ရွေးရပါတော့မယ်။ သူတို့က နိုင်ငံရဲ့အကျိုး အတွက် အကောင်းဆုံး ဖြစ်မယ့် လုပ်ဆောင်ချက်တွေကို လုပ်မှာလား၊ ဒါမှ မဟုတ် မြန်မာ ပြည်သူတွေရဲ့ မျှော်လင့်ချက်တွေနဲ့ လိုအပ်ချက်တွေကို လျစ်လျူရှု ထားမှာလား ဆိုတာ တစ်ကမ္ဘာလုံးက အနီးကပ် စောင့်ကြည့် နေတော့မှာ ဖြစ်ပါတယ်။